MUNDO DI NEO: NEO TA SINTI - MELENDY NEUMAN

Neo Ta Sinti di Melendy Neuman ta e prome buki den e serie“Mundo di Neo”. E buki ta enfoca riba emocionnan principal cu mucha ta eksperensia, manera contentura, tristesa, miedo, rabia y stima. 

Den cada parti di e historia, e mucha ta haña oportunidad pa identifica y expresa con nan ta sinti, mientras cu mayornan, maestro of cuidornan por usa e contenido pa papia mas profundamente tocante emocionnan y sentimentonan. E meta di e buki ta promove dialogo y comprension emocional entre mucha y adulto. 

E autora, Melendy Neuman, a crea e buki inspirá pa su yiu homber, cu ta gusta scucha y inventa cuentanan. Tambe, como docente, ela a incorpora elementonan educativo den e historia pa stimula aprendisaje y conversacion. E buki ta skirbí na Papiamento pa contribui na ampliacion di literatura infantil den nos idioma propionan.